18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
ՌԴ-ում պատերազմին մասնակցելուց հրաժարվելը կպատժվի մինչև 10 տարվա ազատազրկմամբ․ Դաշնային խորհուրդը նոր օրենք է ընդունել
Քաղաքականություն
21.09.2022 | 16:46
ՌԴ Դաշնային խորհուրդը հավանություն է տվել մոբիլիզացիայի ընթացքում և զինված հակամարտության համատեքստում զինվորական ծառայության դեմ ուղղված հանցագործությունների խստացմանը, ինչպես նաև կամավոր հանձնվելու և թալանի համար քրեական պատիժներ սահմանելու մասին օրենքին, գրում է Meduza-ն։
Օրենքը, մասնավորապես, խստացնում է պատիժը զորամասն անօրինական լքելու, հրամանը չկատարելու և զորահավաքի ընթացքում դասալքվելու համար։
Ռազմական գործողություններին մասնակցելուց հրաժարվելու համար օրենքը նախատեսում է մինչև երեք տարվա ազատազրկում, իսկ եթե նման մերժումը հանգեցրել է «լուրջ հետևանքների»՝ մինչև 10 տարի ժամկետով ազատազրկում։ Հրամանը չկատարելու համար նախատեսված է նույնքան՝ 10 տարվա ազատազրկում։
Օրենքը Պետդուման շտապ ընդունել է սեպտեմբերի 20-ին՝ Ռուսաստանում մոբիլիզացիա հայտարարելու նախօրեին։ Դաշնային խորհրդի կողմից հաստատվելուց հետո այն կուղարկվի ՌԴ նախագահ Վլադիմիր Պուտինին՝ ստորագրման:
Տաթև Ֆռանգյան
