23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Իսրայելի և Թուրքիայի ղեկավարները 2008թ․ ի վեր առաջին անգամ հանդիպել են
Քաղաքականություն
21.09.2022 | 13:36
Իսրայելի վարչապետ Յաիր Լապիդն ու Թուրքիայի նախագահ Ռեջեփ Թայիփ Էրդողանը հանդիպել են ՄԱԿ-ի Գլխավոր վեհաժողովի շրջանակում, գրում է Reuters գործակալությունը։
Սրանք երկու երկրների առաջնորդների առաջին դեմ առ դեմ բանակցություններն են 2008 թվականից ի վեր։
Իսրայելի և Թուրքիայի հարաբերությունները, երկարատև սառը դադարից հետո, վերջին ամիսներին ջերմացել են էներգետիկ համագործակցության շրջանակում։
Լապիդի գրասենյակից հայտնել են, որ Իսրայելի վարչապետը շնորհակալություն է հայտնել Էրդողանին երկրների հետախուզական ծառայությունների համագործակցության համար, և նշել Իսրայելի պահանջը՝ վերադարձնել 4 քաղաքացիներին, որոնցից երկուսը 2014 թվականի պատերազմից ի վեր Գազայի հատվածում կորած զինվորներ են։
Հավելենք, որ երկու տերությունները 2018 թվականին արտաքսել էին նաև դեսպաններին, իսկ անցյալ ամիս հայտարարեցին, որ կվերականգնեն դիվանագիտական հարաբերություններն ու կվերանշանակեն դեսպաններին հարաբերությունների աստիճանական բարելավումից հետո:
Էմմա Չոբանյան
