09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Քաղաքացու վիճակը կայուն ծանր է. Ավանեսյանը` ռազմական գործողությունից վիրավորում ստացած քաղաքացիական անձի մասին․ ՏԵՍԱՆՅՈՒԹ
21.09.2022 | 09:00
Առողջապահության նախարար Անահիտ Ավանեսյանն այսօր՝ «Եռաբլուր» զինվորական պանթեոնում չցանկացավ մեկնաբանել փաստը, որ կարմիրբերետավորները վարչապետ Նիկոլ Փաշինյանի՝ «Եռաբլուր» այցից առաջ քաշքշելով բերման ենթարկեցին զոհված զինծառայողների ծնողներին:
«Չեմ մեկնաբանի, այսօր բոլորն այստեղ եկել են, հարգանքի տուրք են մատուցել, եկեք օրվա խորհրդի մեջ մնանք»,-ասաց նա:
Անդրադառնալով հարցին, թե ինչու զոհվածների անունները մինչև հիմա չեն հրապարակվում, նա պատասխանեց. «Դա ՊՆ-ի գործառույթն է, պետք է հարցն իրենց ուղղեք: Ես վստահ եմ, որ առաջիկայում կհրապարակվի»:
Անդրադառնալով վիրավորների վերաբերյալ հարցին, նախարարը նշեց. «Մենք հիվանդանոցներում արդեն բավական դուրս գրվածներ ունենք, մեր բոլոր վիրավոր զինծառայողների ու քաղաքացիական անձանց առողջական վիճակի մեջ կա դրական դինամիկա: Հույս ունենք, որ բոլորն էլ պետք է ապաքինումով դուրս գա: Նրանց թիվը չեմ կարող հրապարակել:
Խոսելով ռազմական գործողությունից վիրավորում ստացած քաղաքացիական անձի մասին նշեց Ավանեսյանը նշեց․ «Քաղաքացիական անձանցից մեկի վիճակը կայուն ծանր է, բժիշկներն ամեն ինչ անում են, որպեսզի մենք ունենաք դրական դինամիկա: Այն, որ վիճակը կայուն է, արդեն բավական լավ է»:
Մանրամասները՝ տեսանյութում։
