17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ուկրաինայի օկուպացված շրջաններում նշանակվել են ՌԴ-ին միանալու համար «հանրաքվեների» անցկացման օրերը
Քաղաքականություն
20.09.2022 | 19:31
Ուկրաինայի երկու շրջանների՝ Խերսոնի և Զապորոժիեի շրջանների «վարչակազմերը», որոնք նշանակվել են օկուպացիոն ուժերի կողմից, ինչպես նաև ինքնահռչակ Դոնեցկի և Լուգանսկի ժողովրդական հանրապետությունների իշխանությունները գրեթե միաժամանակ հայտարարել են Ռուսաստանի Դաշնությանը միանալու վերաբերյալ, այսպես կոչված, «հանրաքվե» անցկացնելու մասին, գրում է DW-ի ռուսական ծառայությունը։
Ուկրաինական բոլոր չորս մարզերում «հանրաքվեները» կանցկացվեն սեպտեմբերի 23-ից 27-ը։ Խերսոնի շրջանի օկուպացիոն վարչակազմի ներկայացուցիչ Կիրիլ Ստրեմուսովը նշել է, որ «քվեարկությունը» կլինի նաև էլեկտրոնային։
Ուկրաինայի նախագահի աշխատակազմի ղեկավար Անդրեյ Երմակը «միամիտ շանտաժ» է անվանել օկուպացված շրջաններում «հանրաքվեներ» անցկացնելու ջանքերի արագ ակտիվացումը։ Նա նշել է, որ ՌԴ Պետդումայում «հանրաքվեների» մասին լուրերին զուգահեռ՝ օրենսդրական փոփոխություններ են ընդունվել, այդ թվում՝ «մոբիլիզացիայի» սահմանման վերաբերյալ, և այդ գործողությունները վերջինս անվանել է «պարտության վախ»։
«Սպառնալիքը հնարավոր է վերացնել միայն ուժով»,- գրել է Երմակը Telegram-ի իր ալիքում։
Տաթև Ֆռանգյան
