06.11.2024 | 09:38
Թրամփն առայժմ առաջատար է բոլոր յոթ տատանվող նահանգներում․ CNN-ը նախնական տվյալներ է հրապարակել
Թուրքիայում այլևս չեն ուսուցանի ռուս օդաչուներին
Քաղաքականություն
20.09.2022 | 13:51
Turkish Airlines-ի ուսումնական կենտրոնը հրաժարվել է ռուս օդաչուներին թռիչքի սիմուլյատորների վրա վարժեցնելուց։ Այս մասին հայտնում է The Insider-ը։
Նշվում է, որ ռուսական ավիաընկերություններին ծանուցում է ուղարկվել այն մասին, որ կենտրոնը ստիպված է եղել դադարեցնել համագործակցությունը Ռուսաստանի Դաշնության ընկերությունների հետ՝ Եվրոպական ավիացիոն անվտանգության գործակալության (EASA) կողմից պատժամիջոցների խստացման պատճառով, որը լիցենզավորում է բոլոր FSTD վարժասարքերը։
Փորձագետների կարծիքով՝ թուրք գործընկերների համագործակցությունից հրաժարվելը լուրջ հարված է Ռուսաստանի Դաշնությունում օդաչուների պատրաստման և որակավորման պահպանման համակարգին։ Նրանց կարծիքով՝ առանց համապատասխան ուսուցման՝ թռիչքների անվտանգությունը Ռուսաստանում կտրուկ կնվազի, հատկապես երկար թռիչքներ իրականացնող ինքնաթիռներում, ինչպիսիք են Boeing B777-ը և Airbus A350-ը:
Սպասվում է, որ թուրքական ուսումնական կենտրոնը չի լինի միակ կազմակերպությունը, որը կհրաժարվի ռուսական ավիաընկերությունների օդաչուների պատրաստումից։
Հիշեցնենք, որ բրիտանական հետախուզությունը հայտնել էր, որ Ռուսաստանի Դաշնությունը կորցրել է օդային գերակայությունը։
Միաժամանակ, նշենք, որ գործընկեր երկրների տարածքում շարունակվում է Ուկրաինայի Զինված ուժերի զինծառայողների՝ ցամաքային, օդադեսանտային հարձակման զորքերի, հատուկ գործողության ուժերի և օդուժի մասնագետների վերապատրաստումը։
Տաթև Ֆռանգյան
