09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ղազախստանը սկսել է կալանավորել ԵՄ-ից ապրանք տեղափոխող ռուսական բեռնատարները
Քաղաքականություն
20.09.2022 | 14:17
Ղազախստանը սկսել է կանոնավոր կերպով վերահսկել Եվրոպայից ապրանք տեղափոխող բեռնատարները՝ պահանջներ ներկայացնելով փոխադրողներին։ Այս մասին գրում է «Известия»-ն՝ վկայակոչելով Միջազգային ճանապարհային փոխադրողների ասոցիացիային և ՌԴ Տրանսպորտի նախարարությանը։
Ասոցիացիայի ներկայացուցչի խոսքով՝ ռուսական կողմը տեղյակ է ԵՄ-ից ապրանքներ առաքող ներքին փոխադրողների բեռնատարների կալանավորման առնվազն ութ դեպքի մասին, սակայն Ղազախստանում խցանված ճանապարհային գնացքների ճշգրիտ թիվը հնարավոր չէ նշել։
«Դրանցից մի քանիսը գտնվում են օրինախախտների համար նախատեսված կայանատեղերում, որտեղ կայանման յուրաքանչյուր օրը թանկ է, մյուսները մաքսային տերմինալներում են, որոշները կանգնած են հենց ճանապարհների եզրին։ Բոլոր փաստաթղթերը վարորդներից առգրավվել են, ուստի նրանք չեն կարող որևէ տեղ գնալ»,- նշել է ASMAP-ի աշխատակիցներից մեկը։
ՌԴ Տրանսպորտի նախարարության տվյալներով՝ Ղազախստանի իշխանությունները սկսել են ռուս վարորդներից թույլտվություն պահանջել այն ապրանքների համար, որոնք տրվել են ոչ թե ներկա, այլ նախորդ փոխադրողին, այսինքն՝ ԵՄ-ից մի ընկերության, որը նույն ապրանքները տեղափոխում է Եվրամիությունից Բելառուս կամ Ռուսաստան։ Սակայն, ըստ ռուսական կողմի, այդ կառույցները միմյանց չեն փոխանցում փաստաթղթեր, իսկ նոր կանոնն ինքնին հակասում է միջազգային ավտոմոբիլային տրանսպորտի մասին պայմանագրերի դրույթներին»։
Տաթև Ֆռանգյան
