16.09.2026 | 11:49
Վահագն Ալեքսանյանի ճեպազրույցը՝ ՈւՂԻՂ
Առաջիկայում կարևոր կադրային և ինստիտուցիոնալ փոփոխություններ են նախատեսում․ ԱՀ նախագահ. ՏԵՍԱՆՅՈւԹ
19.09.2022 | 20:41
Այսօր Արցախի նախագահ Արայիկ Հարությունյանը հանդես է եկել տեսաուղերձով` խոսելով տարբեր թեմաների մասին: Նա նշել է, որ առաջիկայում Արցախում կարևոր կադրային ու ինստիտուցիոնալ փոփոխություններ են նախատեսում։
«Գիտակցելով պետական կառավարման համակարգում կուտակված հիմնախնդիրների ազդեցությունը մեր երկարաժամկետ պայքարի վրա՝ հավաստիացնում եմ, որ շարունակաբար ջանքեր ենք գործադրում հաղթահարելու այդ հիմնախնդիրները: Այդ նպատակին է ուղղված սահմանադրական բարեփոխումների մեկնարկած գործընթացը, և, կարծում եմ, առաջիկա ամիսներին կկարողանանք կյանքի կոչել այն՝ հաշվի առնելով մեր առաջ ծառացած կարճաժամկետ ու երկարաժամկետ մարտահրավերներն ու Արցախի ներքին և արտաքին առանձնահատկությունները:
Կուզեի շեշտադրել նաև, որ նախատեսում եմ առաջիկայում կարևոր կադրային ու ինստիտուցիոնալ փոփոխություններ կատարել պետական կառավարման համակարգում և սկզբունքային քաղաքական հարցերի շուրջ հանրության հետ երկկողմանի կապի ապահովման մեխանիզմներում»,-ասաց Հարությունյանը:
