09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
ԱՄՆ-ը դիտարկում է ռուսական հնարավոր միջուկային հարվածին պատասխանը. Ուկրաինայում ԱՄՆ դեսպան
Քաղաքականություն
19.09.2022 | 16:52
Վաշինգտոնը գործընկերների հետ քննարկում է հնարավոր միջուկային հարվածին հակազդելու միջոցներ, որին սպառնում է Ռուսաստանի Դաշնության իշխող ռեժիմի ղեկավար Վլադիմիր Պուտինը։ Այս մասին European Pravda-ին տված հարցազրույցում ասել է Ուկրաինայում ԱՄՆ դեսպան Բրիջիթ Բրինքը։
«Մենք աշխատում ենք դրա ուղղությամբ նաև ԱՄՆ-ում, քննարկում ենք գործընկերների հետ, թե ինչպես կարող ենք գործել՝ ի պատասխան այն գործողությունների, որոնք բացարձակապես անընդունելի կլինեն: Եվ նախագահը շատ հստակ է այս հարցում»,- ասել է նա:
Դեսպանի խոսքով՝ միջուկային զենքի կիրառման մասին ցանկացած խոսակցություն բացարձակապես անպատասխանատու է։
«Նախագահ Բայդենը հասկացրել է, որ միջուկային զենքի ցանկացած կիրառում բացարձակապես անընդունելի կլինի և կունենա լուրջ հետևանքներ»,- ասել է նա։
Բրինքը նաեւ ընդգծել է, որ Զապորոժիեի ԱԷԿ-ի օգտագործումը որպես զենք շատ վտանգավոր է։
«Մենք աջակցում ենք Ուկրաինայի կառավարության շահագրգռվածությանը՝ ապառազմականացված գոտի ստեղծելու, ինչպես նաև Զապորոժիեն Ուկրաինայի ամբողջական վերահսկողությանը վերադարձնելու հարցում: Մենք աշխատում ենք ՄԱԳԱՏԷ-ի և միջազգային գործընկերների հետ՝ աջակցելու այդ նպատակին, քանի որ իրավիճակը վտանգավոր է»,- եզրափակել է Բրիջիթ Բրինքը:
Տաթև Ֆռանգյան
