27.07.2026 | 17:11
Ադրբեջանը թուրքական նոր HÜRKUŞ-2 ինքնաթիռներ կգնի
Իրանի նախագահը մեկնել է Նյու Յորք
Քաղաքականություն
19.09.2022 | 14:30
Մերժելով ՄԱԿ-ի Գլխավոր վեհաժողովի շրջանակում ամերիկացի պաշտոնյաների հետ հանդիպման ցանկացած պլան՝ Իրանի նախագահ Իբրահիմ Ռաիսին մեկնել է Նյու Յորք՝ «տնտեսական բազմակողմանիության միջոցով արդար միջազգային կարգը» հետապնդելու օրակարգով։ Այս մասին գրում է իրանական Tasnim գործակալությունը։
Երկուշաբթի առավոտյան Թեհրանից Նյու Յորք մեկնելուց առաջ լրագրողների հետ զրույցում Ռաիսին հայտարարել է, որ կօգտագործի ՄԱԿ-ի Գլխավոր վեհաժողովի հնարավորությունը՝ հայտարարելու Իրանի ռացիոնալ և տրամաբանական դիրքորոշումների մասին:
«Քանի որ աշխարհում մեդիա տարածությունում գերիշխում են մեծ տերությունները և իշխանական համակարգերը, նման հնարավորությունները պետք է օգտագործվեն՝ Իրանի Իսլամական Հանրապետության դիրքորոշումները պարզաբանելու և իրանական մեծ ազգի հանդեպ դաժանությունները հանրայնացնելու համար»,- ասել է Իրանի նախագահը։
Հաղորդվում է, որ Ռայիսիի հետ Նյու Յորք են մեկնել նախագահի առաջին տեղակալը, Գերագույն առաջնորդի միջազգային հարցերով խորհրդականը և կառավարության մի խումբ անդամներ:
Իրանի նախագահի գլխավորած պատվիրակությունը Նյու Յորք է մեկնել՝ մասնակցելու ՄԱԿ-ի Գլխավոր վեհաժողովի 77-րդ նստաշրջանին։
Տաթև Ֆռանգյան
