19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
«Ճանաչե՛ք դավաճաններին»․ Բաքուն համացանցային արշավ է սկսել պատերազմին դեմ գործիչների նկատմամբ
Քաղաքականություն
19.09.2022 | 15:22
Ադրբեջանի իշխանությունները համացանցային արշավ են սկսել բոլոր այն գործիչների դեմ, որոնք դեմ են արտահայտվել Բաքվի վերջին ագրեսիային։
Մասնավորապես, իշխող «Յենի Ադրբեջան» կուսակցության ակտիվիստները համացանցում #xainitanı՝ «ճանաչեք դավաճաններին» հեշթեգն են տարածում՝ ընդդիմադիրների, բլոգերների, ակտիվիստների լուսանկարներով, որոնք դեմ են արտահայտվել Ադրբեջանի նախագահ Իլհամ Ալիևի վերջին ռազմական ագրեսիային, կասկածի տակ դրել ադրբեջանական գործողությունների նպատկահարմարությունը ու դեմ են պատերազմին։
Այս ցանկում կարելի է տեսնել Ադրբեջանում հայտնի գիտնական, պատմաբան Ալթայ Գոյուշևին, լրագրող Աֆգան Մուխթարլիին, ռազմական բլոգեր Գաբիլ Մամեդովին, ընդդիմադիր գործիչներ Թոֆիգ Յագուբլուին, Գուլթեքին Հաջիբելլիին և այլ գործիչների, ինչպես նաև տարբեր երիտասարդ բլոգերների։
Էմմա Չոբանյան
