01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Պուտինը հայտարարել է, թե Հայաստանի և Ռուսաստանի միջև երկկողմ հարաբերությունները հասցվել են բարձր դաշնակցային մակարդակի
Քաղաքականություն
19.09.2022 | 13:48
Ռուսաստանի նախագահ Վլադիմիր Պուտինը ողջույնի խոսք է հղել սեպտեմբերի 19-ին Երևանում բացված Ռուս-հայկական 9-րդ միջտարածաշրջանային համաժողովի մասնակիցներին, գրում է ՏԱՍՍ-ը։
Պուտինը նշել է, որ Հայաստանի և Ռուսաստանի միջև երկկողմ հարաբերությունները հասցվել են բարձր դաշնակցային մակարդակի։ Նա միջտարածաշրջանային համագործակցությունն անվանել է ռուս-հայկական հարաբերությունների կարևոր բաղադրիչ։
«Այս տարի մեր երկրները նշում են դիվանագիտական հարաբերությունների հաստատման 30-ամյակը և Բարեկամության, համագործակցության և փոխօգնության պայմանագրի ստորագրման 25-ամյակը: Կարևոր է, որ անցած ժամանակահատվածում Ռուսաստանը և Հայաստանը մեծ փորձ են կուտակել տարբեր ոլորտներում կառուցողական համագործակցության, և երկկողմ կապերը հասցվել են դաշնակցային բարձր մակարդակի»,- ասվում է ՌԴ ղեկավարի հայտարարության մեջ։
Տաթև Ֆռանգյան
