18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ադրբեջանի ԱԳՆ-ն իր բողոքն է հայտնել Նենսի Փելոսիի հայտարարությունների կապակցությամբ
Քաղաքականություն
18.09.2022 | 17:54
Ադրբեջանի ԱԳՆ-ն արձագանքել է Երևանում ԱՄՆ ներկայացուցիչների պալատի խոսնակի արած հայտարարություններին և իր դժգոհությունը հայտնել, գրում են տեղական ԶԼՄ-ները։
Մասնավորապես, ըստ Բաքվի` Փելոսիի հայտարարությունները խեղաթյուրում են իրավիճակը տարածաշրջանում։
«Խորը ափսոսանք է առաջացնում 2022 թվականի սեպտեմբերի 18-ին Հայաստան կատարած այցի ժամանակ ԱՄՆ Կոնգրեսի Ներկայացուցիչների պալատի նախագահ Նենսի Փելոսիի արած հայտարարությունը, որը խաթարում է իրավիճակը տարածաշրջանում։ Փելոսիի անհիմն և անարդար մեղադրանքներն Ադրբեջանի հասցեին անընդունելի են»,- ասվում է հայտարարության մեջ։
Նշվում է նաև,որ Փելոսին հայտնի է որպես հայամետ քաղաքական գործիչ, և հայամետ կոնգրեսականների ներկայությունը դրա ապացույցն է։
Հիշեցվում է, որ ԱՄՆ-ում մոտենում է Կոնգրեսի միջանկյալ ընտրությունների շրջանը, և Բաքուն, չգիտես՝ ինչու մտահոգված լինելով ԱՄՆ ընտրություններով, նշում է, թե Փելոսին իր այցը օգտագործում է հայերի աջակցությունը ԱՄՆ-ում ստանալու համար։
Էմմա Չոբանյան
