07.08.2026 | 18:59
Ռուբինյանը աշխարհի խորհրդարանների պատմության ամենաերիտասարդ նախագահն է
Երևան-Սևան հատվածում մեքենան դուրս է եկել ճանապարհից ու հայտնվել թփուտներում. վարորդին գտել են մեքենայից 30 մ հեռու
Հասարակություն
18.09.2022 | 12:46
Սեպտեմբերի 18-ին, ժամը 02:48-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ․ ավտոմեքենան շրջվել է: Այս մասին հայտնում է ՀՀ ԱԻՆ-ը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մ-4 ավտոճանապարհի Երևան-Սևան-Իջևան հատվածի մոտ 63-րդ կմ-ին «Nissan March» մակնիշի ավտոմեքենան (վարորդ՝ Ս․ Ս․, ծնված 1996 թ.) դուրս է եկել ճանապարհի երթևեկելի հատվածից (մոտ 100 մ) և հայտնվել թփուտների մեջ։
Փրկարարները վարորդին հայտնաբերել են ավտոմեքենայից մոտ 30 մ հեռավորության վրա ընկած և մոտեցրել շտապօգնության ավտոմեքենային․ տուժածը հոսպիտալացվել է Սևանի ԲԿ:
