23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Ջերմուկում այսօր կրակոցներ չեն հնչել. իրավիճակը հանգիստ է. ՊՆ խոսնակ
Քաղաքականություն
16.09.2022 | 18:38
Հայաստանում հավատարմագրված տարբեր երկրների դեսպաններ, դիվանագիտական ներկայացուցչությունների ղեկավարներ այսօր այցելել էին Վայոց ձորի մարզի Ջերմուկ քաղաք` տեղում ծանոթանալու քաղաքացիական ենթակառուցվածքներին հասցված հրետակոծության հետևանքներին:
Ադրբեջանի ագրեսիայի հետևանքով Վայոց ձորում տուժել են հյուրատներ, առողջարան, Կեչուտի ջրամբարի վրա է երկու արկ ընկել, վնասվել են Ջերմուկի ճոպանուղին, փրկարար ծառայության հրշեջ-փրկարարական ջոկատի շենքը և անձնական օգտագործման մեքենաներ ու այլ գույքեր:
ԶԼՄ-ներկայացուցիչները ևս առողջարանային քաղաքում էին: Քաղաքից դուրս գալուց հետո տեղեկություններ տարածվեցին, որ իրավիճակը լարվել է, ադրբեջանական կողմը կրակել է:
ՊՆ մամուլի խոսնակ Արամ Թորոսյանը Factor.am-ի հետ զրույցում հերքեց այս լուրը:
Նշենք, որ Ջերմուկ էին այցելել ԱՄՆ-ի, ԵՄ-ի, Նիդերլանդների, Մեծ Բրիտանիայի, Ֆրանսիայի, Չինաստանի, Արգենտինայի դեսպանները, Վրաստանի գործերի ժամանակավոր հավատարմատարը: Ջերմուկ այցին չէր մասնակցում ՀՀ-ում ՌԴ դեսպան Սերգեյ Կոպիրկինը։ Նրա փոխարեն դեսպանատնից ներկա էր մեկ այլ ներկայացուցիչ։
Արփի Հակոբյան
