Մեր ԶՈւ-ն Ջերմուկում շրջափակել է հակառակորդի մխրճված խմբերը. ԳՇ պետ․ ՏԵՍԱՆՅՈՒԹ

Նախկինում Ջերմուկի մատույցներից ադրբեջանական զորքերի հեռավորությունը եղել է 11, հիմա դարձել 4,5 կմ:

«Ջերմուկից այդ հեռավորության վրա  հակառակորդի միայն մեկ՝ 10-12 զինծառայողից կազմված խումբ է տեղակայված»,- լրագրողների հետ զույցում նշեց ՀՀ ԶՈՒ գլխավոր շտաբի պետը՝ հավելելով, որ այդ խումբը կտրված է իր ստորաբաժանումներից, գտնվում է բլրի գագաթին:

«Կենսունակության տեսանկյունից, եթե այդ հակառակորդի այդ խմբի սնուցում չլինի, հատուկ պատրաստված ստորաբաժանում լինի, ապա մի քանի օրվա ընթացքում նրանց ռեսուրսները լրիվ կսպառվեն և ստիպված կլինեն այդտեղից դուրս գալ: Խումբը կողքերից շրջափակված է մեր ստորաբաժանումների կողմից, այսինքն՝ մարտավարական իրադրությունը գնահատում եմ կայուն, մեր հմուտ գործողությունների արդյունքում այդ խումբն այդտեղից կհեռանա:

Չենք թույլատրի, որ ապահովվի նրանց կենսունակությունը, մեքենաների շարժ դեպի մեր տարածք չի լինի, և կենսունակությունը կորցնելով՝ խումբը հետ կքաշվի, կմիանա իրենց հիմնական ստորաբաժանումներին, որոնք Ջերմուկի մատույցներից առավել մեծ խորությունների վրա են՝ 7, 8, 10 կմ հեռավորության վրա։

Հյուսիսային հատվածում այսօր տեսախցիկներով դիտարկել ենք, որ հակառակորդի մոտ 50-60 հոգանոց խումբ հետ է քաշվել դեպի ՀՀ պետական սահման»,- նշեց ԶՈՒ գլխավոր շտաբի պետը՝ ընդգծելով՝ մեր ԶՈւ-ն Ջերմուկում շրջափակել է հակառակորդի մխրճված խմբերը, և իրադրությունը գտնվում է մեր վերահսկողության տակ։

Մանրամասները՝ տեսանյութում։