Նենսի Փելոսին գալիս է՝ ՀՀ-ին աջակցելու․ ՌԴ-ն պիտի՛ դուրս մղվի ռեգիոնից, միայն այստեղ է մնացել․ Կարեն Սարգսյան․ ՏԵՍԱՆՅՈՒԹ

Factor TV–ի հարցազրույցը սոցիոլոգ Կարեն Սարգսյանի հետ

-Ադրբեջանական ռազմական ագրեսիայի և լայնածավալ պատերազմի պայմաններում ՀՀ կժամանի ԱՄՆ Կոնգրեսի Ներկայացուցիչների պալատի խոսնակ Նենսի Փելոսին։ Ըստ ամերիկյան Politico-ի՝ Փելոսի այցն աջակցություն է Ադրբեջանի հետ մահացու կռվի մեջ գտնվող երկրին՝ Հայաստանին։ Երևանում նախատեսվում է հանդիպում Փաշինյանի և այլ պաշտոնյաների հետ։ Ի՞նչ նշանակություն ունի այս այցը։

-Նենսի Փելոսին օրենսդիր իշխանության ղեկավարն է, ազդեցությամբ երկրորդն է։ Ի՞նչ մեսիջ ունի նրա այցը։ Շաբաթներ առաջ Փելոսիի այցը Թայվան նշանակում էր՝ չսկսել պատերազմ, իսկ այցը Կիև ուրիշ մեսիջ էր, նշանակում էր՝ մենք ձեզ հետ ենք, և դուք հաղթելու եք։

-Հիշեցնենք, որ Թայվանը հակամարտության մեջ է Չինաստանի հետ․․․

-Թայվանը չիպեր արտադրող ամենակարևոր երկիրն է։ Ամերիկան ազդեցությամբ երկրորդ, դե յուրե՝ երրորդ մարդուն ուղարկել է Թայվան, այն երկիր, որի կարևորությունն իր տնտեսության համար անգնահատելի է․․․ Ամերիկան ոչ մի բան չի անում առանց տնտեսական շահի։ Նենսի Փելոսիի այցը Հայաստան ունի տնտեսական արմատներ, նույնիսկ եթե Դուք, պարո՛ն Փաշինյան, դա չեք հասկանում կամ փորձում եք քողարկել։ Նենսի Փելոսին Հայաստան հենց այնպես չի գալիս, գալիս է Սյունիքի համար։ ԱՄՆ դեսպանն ամբողջ գարուն ապրում էր Սյունիքում ո՛չ նրա համար, որ Պուտինը զանգի Փաշինյանին ու ասի՝ Սյունիքում «միջանցք» եմ ուզում։

Հարցազրույցն ամբողջությամբ՝ տեսանյութում։

Ռոբերտ Անանյան