25.06.2026 | 10:18
NYMEX. Թանկարժեք մետաղների գները նվազել են
ՌԴ դեսպանատան շենքի դիմացից բերման ենթարկվածների թիվը 3-ն է
Հասարակություն
16.09.2022 | 14:35
ՀՀ-ում ՌԴ դեսպանատան մոտ խաղաղ բողոքի ակցիա իրականացնող երեք անձի կարմիր բերետավորները բերման ենթարկեցին։ Նրանց թվում է «Իրավունքի ուժ» ՀԿ համանախագահ Արման Ղարիբյանը. «Գլուխդ կջարդեմ, ա՛յ ֆունտիկ»,- ոստիկանության կողմից բերման ենթարկելն ուղեկցվում էր նմանօրինակ արտահայտություններով։
ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը Factor.am-ի հետ զրույցում նշեց, որ ակցիայի մասնակիցները բերման են ենթարկվել են ՎԻՎ օրենսգրքի 182-րդ հոդվածի հատկանիշներով, այն է` ոստիկանության ծառայողի օրինական պահանջը չկատարելը: Այնինչ, տեսանյութում հստակ երևում է, որ մասնակիցները պաստառներով ուղղակի կանգնած են դեսպանատան շենքի դիմաց։
Հիշեցնենք՝ առավոտյան մի խումբ անձինք բողոքի ակցիա են իրականացրել ՀՀ-ում ՌԴ դեսպանատան դիմաց։ Ըստ ցուցարարների՝ Ռուսաստանի Դաշնությունը չի կատարում իր ռազմավարական դաշնակցի՝ Հայաստանի Հանրապետության նկատմամբ ստանձնած պարտավորությունները:
«Հավաքի նպատակն է ՀՀ քաղաքացիների բողոքի արտահայտումը ընդդեմ ՌԴ անտարբերության ու չեզոքության։ Հավաքը կուսակցական չէ, ՀՀ յուրաքանչյուր քաղաքացի ազատ է գալու իր պաստառով, իր կոչերով ու իր պահանջով»,- ասված էր ակցիայի կազմակերպիչների տարածած հաղորդագրությունում։
Ռոզա Վարդանյան
