14.06.2026 | 16:57
Իսրայելի պաշտպանության բանակը ԱՄՆ-Իրան համաձայնագրի շրջանակներում կարող է դադարեցնել առաջխաղացումը Լիբանանում
Փաշինյանը կորուստների նոր թիվ է հայտնել, կան անհետ կորածներ․ ռազմական դրություն դեռ չի մտցվում․ Լուրեր
Քաղաքականություն
16.09.2022 | 13:51
- Սեպտեմբերի 13-ից Ադրբեջանի սկսած մարտական գործողությունների հետևանքով հայկական կողմի հաստատված զոհերի թիվը 135 է: Այս մասին կառավարության նիստին հայտնել է վարչապետ Նիկոլ Փաշինյանը: Նրա խոսքով՝ այս թիվը դեռևս վերջնական չէ: Կան բազմաթիվ վիրավորներ։
ԱԺ պաշտպանության հանձնաժողովի նախագահ Անդրանիկ Քոչարյանն էլ ասել է, որ մարտերի հետևանքով հայկական կողմն ունի զոհեր, որոնց դիերը գտնվում են հայկական վերահսկողությունից դուրս տարածքում։ Նա նաև նշել է, որ կան անհետ կորածներ, ինչի հետևանքով հնարավոր չէ զոհվածների ճշգրիտ թիվ ասել։ - Կառավարության նիստին պաշտպանության նախարար Սուրեն Պապիկյանն էլ տեղեկացրել է, որ գիշերվա ընթացքում հրադադարի ռեժիմը պահպանվել է, իրավիճակը հարաբերականորեն հանգիստ է։ Փաշինյանն էլ ավելացրել է, որ քննարկել են ռազմական դրություն մտցնելու հարցն ու եկել են եզրակացության, որ դրա անհրաժեշտությունը չկա։ Իսկ կամավորագրվել ցանկացողներ մասին Փաշինյանն ասել է, որ կարող են դիմել զինկոմիսարիատներ, և դրա համար ռազմական դրություն պետք չէ։
Այս ժամի լուրերը՝ տեսանյութում։
