16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Մտանք նկուղ, ու խփեցին տանս. դրսում ենք մնում. Ակների բնակիչ․ ՏԵՍԱՆՅՈւԹ
Հասարակություն
15.09.2022 | 20:00
FactorTV-ի նկարահանող խումբն այսօր այցելել է Սյունիքի մարզի մի շարք համայնքներ և տեղում արձանագրել Ադրեջանի ագրեսիայի հետևանքով քաղաքացիական ենթակառուցվածքներին ու բնակելի տներին հասցված վնասները։
Սյունիքի մարզի Ակներ գյուղում ադրբեջանական ագրեսիայից մի քանի տուն է վնասվել։
Բնակիչներից մեկը` Էդգար Սալբունցը պատմեց, որ ընտանիքի հետ կրակոցների ձայնից արթնացել են, հարևաններով հավաքվել են, կանանց, երեխաներին նկուղում տեղավորել։
Տղամարդկանցով պատշգամբում կանգնած են եղել, երբ հրետակոծություն է սկսվել․ «Մենք անմիջապես մտանք նկուղ։ Ասեցի՝ հաստատ տանս խփեցին։ Այդ ժամանակ հարևաններս զանգեցին, ասեցին, որ տնիցս ծուխ է դուրս գալիս, հրդեհ էր բռնկվել։ ԱԻՆ-ը շուտ հասավ, կրակը հանգցրին։ Տեսնում եք, ողջ տունս ջրի մեջ է։ Հարևանի տանն ենք մնում»,- նշեց Ակների բնակիչը։
Արկի հարվածից տան տանիքն ամբողջությամբ վնասվել է, արկի բեկորները տարածվել են ողջ տնով մեկ։
Այժմ գյուղում համեմատաբար հանգիստ է, կրակոցի ձայներ չեն լսվել։
Հարցին, թե արդյոք ցանկություն ունի Երևան տեղափոխվելու, մեր զրուցակիցը պատասխանեց․ «ԻՄ տունը Սյունիքն է, գնամ Երևան, ի՞նչ անեմ։ Հիշո՞ւմ եք, չէ՞, «կուկուի»՝ (ծիծեռնակի) պատմությունը, որ «ամեն մի շյուղ կպցնելիս, առաջվա բույնն է հիշում»։ Սա է իմ տունը, գնամ ուրիշ տեղ շինություն կառուցե՞մ»։
Մանրամասները՝ տեսանյութում։
Արփի Հակոբյան
