17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Դելիմիտացիայի և դեմարկացիայի հարցերը զգայուն են և առանց սրացումների չեն անցնում․ ՄԱԿ-ում ՌԴ ներկայացուցիչ. ՏԵՍԱՆՅՈՒԹ
Քաղաքականություն
15.09.2022 | 21:00
ՄԱԿ-ի Անվտանգության խորհրդում քննարկվում է Հայաստանի դեմ Ադրբեջանի սանձազերծած ռազմական ագրեսիայի առնչությամբ ՀՀ ներկայացրած դիմումը։ Քննարկման ընթացքում ունեցած ելույթում ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան հայտարեց, որ ռուս զինվորականները սերտ կապի մեջ են իրենց ադրբեջանցի և հայ գործընկերների հետ՝ զորքերը ելման դիրքեր վերադարձնելու համար։ Վերջինս նաև նշել է , որ, ցավոք, դելիմիտացիայի և դեմարկացիայի հարցերը զգայուն են և առանց սրացումների չեն անցնում։
«ՌԴ-ն ծայրահեղ անհանգստացած է հայ-ադրբեջանական սահմանի առանձին հատվածներում իրավիճակի սրմամբ, ինչի արդյունքում մեծ թվով մարդիկ են զոհվել, կան նաև քաղաքացիական անձանց շարքում տուժածներ։ Մենք անընդունելի ենք համարում ուժի կիրառումը, հույս ունենք Ռուսաստանի միջնորդությամբ ձեռք բերված հրադադարի պայմանավորվածությունների պահպանման վրա: Կոչ ենք անում Հայաստանին և Ադրբեջանին՝ զերծ մնալ լարվածության աստիճանը մեծացնող քայլերից, ինչպես նաև կատարել Հայաստանի, Ադրբեջանի եւ Ռուսաստանի ղեկավարների եռակողմ հայտարարությունները»,- ասաց Նեբենզյան։
«Ցավոք, ինչպես ցույց տվեցին սեպտեմբերի 12-ի ու 13-ի դեպքերը դելիմիտացիայի և դեմարկացիայի հարցերը միանգամայն զգայուն են և առանց սրացումների չեն անցնում »,- հայտարարեց նա։
Նեբեզնյան նաև հավելեց, որ իրավիճակը կայունացնելու համար Ռուսաստանի ղեկավարությունը սերտ կապի մեջ է Երևանի և Բաքվի հետ, իսկ ռուս զինվորականները կապի մեջ են Հայաստանի և Ադրբեջանի գործընկերների հետ՝ կայուն հրադադարի հասնելու և հայկական և ադրբեջանական զորքերին իրենց սկզբնական դիրքերը վերադարձնելու համար:
Մանրամասները՝ տեսանյութում
Տաթև Ֆռանգյան
