18.05.2026 | 09:46
ՃՏՊ Այնթապում․ 4 քաղաքացի հոսպիտալացվել է
Ռազմական բոլոր գործողությունների դադարեցման և զորքերը նախնական դիրքեր հետ քաշելու կոչ ենք արել․ ՄԱԿ-ում Մեծ Բրիտանիայի ներկայացուցիչ
Քաղաքականություն
15.09.2022 | 19:13
ՄԱԿ-ի Անվտանգության խորհրդի նիստում Հայաստանի նկատմամբ Ադրբեջանի ռազմական ագրեսիայի հարցի քննարկման ընթացքում Մեծ Բրիտանիայի ներկայացուցիչն իր ելույթում հայտարարեց, որ Լոնդոնը ողջունում է նախօրեին հրադադարի ռեժիմի հաստատումը։
«Միացյալ Թագավորության դիրքորոշումը միշտ կայացել է նրանում, որ այս հակամարտությանը չկա ռազմական լուծում։ Մենք ռազմական բոլոր գործողությունների դադարեցման և զորքերի՝ նախնական դիրքեր հետքաշման կոչ ենք արել։ Միայն դիվանագիտության և ՄԱԿ-ի կանոնադրության հիման վրա կարելի է հասնել երկարատև խաղաղության»,- ասաց բրիտանացի դեսպանը։
Նա հավելեց, որ դա ակնհայտ է դարձել վերջին շաբաթներին՝ Ադրբեջանի կողմից գերիների վերադարձի, Բրյուսելում կայացած եռակողմ հանդիպման հիման վրա։
«Մենք կոչ ենք անում Հայաստանի և Ադրբեջանի ղեկավարներին վերադառնալ երկխոսության՝ լուծելու բոլոր չլուծված խնդիրները։ Միացյալ Թագավորությունը կշարունակի աջակցել միջազգային գործընկերների դիվանագիտական ջանքերին Բրյուսելում՝ ապահովելու կայունություն ու խաղաղություն այդ տարածաշրջանի ժողովուրդների համար»,- նշեց ՄԱԿ-ում Մեծ Բրիտանիայի ներկայացուցիչը։
Էմմա Չոբանյան
