28.06.2026 | 08:39
Բասկետբոլի Հայաստանի հավաքականը հաղթեց Իռլանդիային. ՏԵՍԱՆՅՈՒԹ
4 հրթիռ ընկել է գյուղի վրա. Սյունիքի Վերիշեն գյուղի վարչական ղեկավար. ՏԵՍԱՆՅՈւԹ
Քաղաքականություն
15.09.2022 | 19:36
Այսօր FactorTV-ի նկարահանող խումբը Վերիշենում էր։
Ներկա պահին Սյունիքի մարզի Վերիշեն գյուղում հանգիստ է, կրակոց չկա, խուճապ չկա։ Այս մասին լրագրողների հետ զրույցում նշեց Վերիշենի վարչական ղեկավար Արտակ Զադայանը։ Նրա խոսքով` երեկվանից, երեկոյան մոտ 20։00-ից սկսած մինչ այս պահը թշնամին գյուղը չի հրետակոծել և գնդակոծել։
«Ադրբեջանական կողմի հրթիռակոծման հետևանքով վնասվել է 4 տուն, 4 հրթիռ ընկել է գյուղի վրա, իսկ գյուղից վերև՝ դաշտերի վրա հարյուրավոր հրթիռներ են ընկել»,- ասաց Զադայանը։
Նա նաև տեղեկացրեց երեկ ցերեկը` 15։00-ի սահմաններում, մեկ քաղաքացիական անձ է վիրավորվել՝ ստացել է ոտքի բեկորային վնասվածք․ «Ներկա պահին այդ անձը հիվանդանոցում է, կյանքին վտանգ չի սպառնում» ։
Խոսելով ենթակառուցվածքների մասին` վարչական ղեկավարը շեշտեց` ամեն ինչ նորմալ է` և՛ գազ, և՛ լույս, և՛ ջուր ունեն։
Զադայանը հավելեց, որ գյուղից տարհանվել են միայն մի քանի ընտանիքներ, և մանկահասակ երեխաները։ Մի քանի ընտանիք էլ քարանձավներում են, մյուսներն իրենց տներում են։
Մանրամասները՝ տեսանյութում։
Արփի Հակոբյան
