18.05.2026 | 13:05
«Սարդարապատը» դարձել է Հայաստանի Առաջին խմբի չեմպիոն․ ՏԵՍԱՆՅՈՒԹ
ԱՄՆ-ն ու ԵՄ-ն ճնշում են Թուրքիային՝ կոչ անելով բանկերն անջատել ռուսական «Միր» համակարգից․ The Financial Times
Քաղաքականություն
15.09.2022 | 23:30
ԱՄՆ-ն ու ԵՄ-ն ուժեղացնում են ճնշումը Թուրքիայի վրա՝ մտավախությունների ֆոնին, որ Ռուսաստանը կարող է շրջանցել արևմտյան պատժամիջոցները թուրքական բանկային հատվածի միջոցով։ Այս մասին գրում է Meduza-ն՝ վկայակոչելով The Financial Times-ը։
Լրատվամիջոցի աղբյուրների տվայլներով, որոնց թվում կան արևմտյան պաշտոնյաներ, Վաշինգտոնը իր հայացքն է ուղղել թուրքական բանկերի վրա, որոնք աշխատում են ռուսական «Միր» վճարային համակարգի հետ։ Բրյուսելն իր հերթին պատրաստվում է պատվիրակություն ուղարկել՝ իր մտահոգություններն ուղղակիորեն թուրքական իշխանություններին հայտնելու համար։
«Մենք շատ պարզ կասենք, որ, օրինակ, երրորդ երկրների ֆինանսական հաստատությունները չպետք է միանան «Միր» վճարային համակարգին, քանի որ դա իր մեջ ներառում է պատժամիջոցներից խուսափելու որոշ ռիսկեր»,- ասել է լրատվամիջոցի աղբյուրը։
Այժմ ռուսական վճարային համակարգի հետ աշխատում են հինգ խոշորագույն թուրքական բանկեր՝ Vakifbank-ը, Ziraat Bank-ը, İş Bank-ը, DenizBank-ը և Halkbank-ը։
Էմմա Չոբանյան
