18.05.2026 | 11:44
5.3 մլն դրամի հափշտակություն․ ՀՊՄՀ-ի պրոռեկտորի, նրա որդու և Սմբատ Լպուտյանի գործն ուղարկվել է դատարան
Երևանի և Բաքվի միջև խաղաղության պայմանագրի նախապատրաստման աշխատանքները չեն դադարել․ Զախարովա
Քաղաքականություն
15.09.2022 | 15:32
Երևանի և Բաքվի միջև խաղաղության պայմանագրի նախապատրաստման աշխատանքները չեն դադարել՝ չնայած լարվածության սրմանը։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Սա է հիմնական առաջնահերթությունը, ռուսական կողմը ցուցաբերում է անհրաժեշտ օգնություն: ԵԱՀԿ Մինսկի խմբի ռուսաստանցի համանախագահ, հայ-ադրբեջանական կարգավորման հարցով ՌԴ ԱԳ նախարարի հատուկ ներկայացուցիչ Իգոր Խովաևը սեպտեմբերի 8-9-ը այցելեց Բաքու, սեպտեմբերի 13-14-ը՝ Երևան»,- ասել է Զախարովան։
Նրա խոսքով՝ այցի հիմնական թեման եղել է խաղաղության պայմանագրի քննարկումը։ Ռուսաստանը ջանում է մերձեցնել դիրքերը՝ ընդգծել է ՌԴ ԱԳՆ պաշտոնական ներկայացուցիչը։
Զախարովան վստահեցրել է, որ համապատասխան ջանքերը կշարունակվեն, և հիշեցրել, որ տարածաշրջանում հակամարտության հիմնական կարգավորումը շարունակում են մնալ Ռուսաստանի, Հայաստանի և Ադրբեջանի ղեկավարների միջև եռակողմ պայմանավորվածությունները։
Տաթև Ֆռանգյան
