Քաղաքականություն
15.09.2022 | 22:50
Ադրբեջանում շարունակվում են 44-օրյա պատերազմի մասնակիցների շրջանում ինքնասպանությունների դեպքերը։ Մասնավորապես, տեղական լրատվամիջոցները գրում են, որ այսօր հիվանդանոցում մահացել է պատերազմի մասնակից Էլնուր Ռուստամովը, որն ինքնահրկիզվել էր՝ ի նշան Խազար շրջանի իշխանությունների կամայականությունների դեմ բողոքի։
Ռուստամովն ինքնահրկիզվել էր սեպտեմբերի 12-ին, նա մարմնի 70 տոկոսի այրվածք էր ստացել։
Հաղորդվում է նաև, որ այսօր Մինգեչաուրում կախված վիճակում հայտնաբերվել է պատերազմի մասնակից, 35-ամյա Էլվին Ֆիզուլի Աբիշովի մարմինը։ Նշվում է, որ Աբիշովը մասնակցել է Արցախյան երկրորդ պատերազմին, նույնիսկ մեդալով պարգևատրվել։
Ընդհանուր առմամբ, արդեն իսկ պատերազմի մասնակից 43 ադրբեջանցի է ինքնասպան եղել, 50-ից ավելին էլ՝ ինքնասպանության փորձ կատարել։
Իշխանությունների անտարբերության, սոցիալական, առողջական ու տարբեր խնդիրների չլուծման պատճառով պատերազմի մասնակից ադրբեջանցիները դիմում են նման քայլի։ Նրանք նաև պարբերաբար բողոքի տարբեր ակցիաներ են կազմակերպում։
Էմմա Չոբանյան
