16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Արևմուտքն Ադրբեջանին ագրեսոր ճանաչեց․ դա կքանդի ռուս-թուրքական մեղրամիսը․ Անդրիաս Ղուկասյան․ ՏԵՍԱՆՅՈՒԹ
Քաղաքականություն
15.09.2022 | 15:02
ՄԱԿ-ի Անվտանգության խորհուրդը մոլորակի վրա ամենաբարձր մարմինն է, որն օժտված է ամենալայն գործիքներով՝ միջամտելու պետությունների հարաբերություններին, որտեղ պատերազմի վտանգ կա։ Քաղաքագետ Անդրիաս Ղուկասյանը պնդում է, որ ՌԴ-ն իր դիրքավորումը ձևավորեց ՄԱԿ-ի ԱԽ նիստում այնպես, որ իր ռազմական ներկայությունը հարցի տակ չպիտի դրվի, որպեսզի դեմ չքվեարկի բանաձևին․ «Հայաստանի իշխանությունը չէր կարող չդիմել ՄԱԿ-ի Անվտանգության խորհուրդ, հակառակ դեպքում՝ նրան կմեղադրեին, որ ինքը նույնպես օժանդակում է հակամարտության ընդլայնմանը՝ բանակցությունները տապալելուն մասնակից է»։
Քաղաքագետը նշում է, որ ԱՄՆ-ը բացահայտ ագրեսոր կողմ է ճանաչում Ադրբեջանին, որի կողմից ՀՀ տարածքի թիրախավորման կոնկրետ հայտարարություն է արել ԱՄՆ Պետքարտուղարությունը, իսկ պետքարտուղար Բլինքենը Ալիևին կոչ է արել դուրս բերել զորքերը ՀՀ տարածքից և դադարեցնել ռազմական գործողությունները․ «Դա արվեց հայտարարությունների մակարդակով, հիմա խոսքը գնում է, որ Ադրբեջանին ագրեսոր ճանաչելը տեղ գտնի նաև ՄԱԿ-ի ԱԽ բանաձևի մեջ»։
Այստեղ նա տեսնում է սցենար, որ Թուրքիան փորձի ՌԴ-ի միջամտությամբ կանխել Ադրբեջանին ագրեսոր ճանաչելը։
«Ադրբեջանին ագրեսոր ճանաչելը քանդում է ռուս-թուրքական հարաբերությունների կառուցվածքը՝ մեղրամիսը, ինչը հասկանում է Արևմուտքը»,- ասաց Անդրիաս Ղուկասյանը։
Հարցազրույցն ամբողջությամբ՝ տեսանյութում։
Ռոբերտ Անանյան
