10.07.2026 | 02:01
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
Կորոնավիրուսային համաճարակի ավարտն արդեն երևում է․ ԱՀԿ
Քաղաքականություն
15.09.2022 | 17:08
Կորոնավիրուսային համաճարակի ավարտն արդեն երևում է, բայց այն դեռ չի եկել։ Այս մասին հայտարարել է Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը, փոխանցում է Reuters-ը։
«Մենք դեռ այնտեղ չենք, բայց վերջը երևում է»,- ասել է նա:
Միևնույն ժամանակ, Գեբրիեսուսը կրկին կոչ է արել երկրներին՝ զգոն մնալ և համաճարակը համեմատել է մարաթոնյան մրցավազքի հետ։
«Այժմ ժամանակն է ավելի ուժեղ վազելու և համոզվելու, որ մենք հատում ենք սահմանը և պարգևատրվում մեր քրտնաջան աշխատանքի համար»,- ասել է Գեբրեյեսուսը:
Նա ընդգծել է, որ երկրները պետք է ուշադիր վերանայեն իրենց քաղաքականությունը և ուժեղացնեն այն՝ COVID-19-ի ու ապագա վիրուսների դեմ պայքարելու համար։ ԱՀԿ ղեկավարը կոչ է արել երկրներին պատվաստել բարձր ռիսկային խմբերի ներկայացուցիչներին 100%-ով։
ԱՀԿ-ն նաև հայտարարել է, որ երկրները պետք է պահպանեն բժշկական սարքավորումների և բուժաշխատողների բավարար քանակություն:
«Մենք ակնկալում ենք, որ ապագայում վարակների ալիքներ կլինեն, աշխարհի տարբեր կետերում տարբեր ժամանակահատվածներում, որոնք հարուցվել են օմիկրոնի տարբեր ենթատեսակներից կամ նույնիսկ այլ շտամերից»,- ասել է ԱՀԿ ավագ համաճարակաբան Մարիա Վան Կերխովեն:
Տաթև Ֆռանգյան
