Քաղաքականություն
15.09.2022 | 01:33«Ժողովրդի ճնշման տակ այս իշխանությունը պարտավոր է հեռանալ։ Ստեղծված իրավիճակի պատասխանատուն իրենք են։ Օրինաչափություն է, որ պարտված իշխանությունները պետք է հեռանան»,- այս մասին Factor TV-ի հետ զրույցում նշեց ԱԺ «Հայաստան» խմբակցության ղեկավար Սեյրան Օհանյանը, ով մասնակցում էր ԱԺ շենքի դիմաց կազմակերպված բողոքի ակցիային։
Ասում են՝ ով իշխանություն է ուզում, գալիս է հանրահավաքի, ով հայրենիք է ուզում, գնում սահման։ Օհանյանն անդրադառնալով այս դիտարկմանը և սահման չգնալու ու հանրահավաքին մասնակցելով՝ քաղաքական իրավիճակը լարելու վերաբերյալ մեղադրանքներին՝ նշեց․ «Գոնե ինձնից մի՛ հարցրեք՝ սահմանում եղել եմ, թե չէ, հասկանում եք, չէ՞, ում եք հարցնում։ Սահման գնալու պատասխանատվությունն իշխանությանն է, իշխանությունն է զորակոչում, իր ուժային ստորաբաժանումներն ուղարկում և ըստ անհրաժեշտության՝ զորահավաք կազմակերպում։ Ո՞ւմ զենքով գնանք սահման, ամեն մեկը հո իր տանը զենք չունի՞։ Եվ երկրորդ՝ եթե խոսքը վերաբերում է պատգամավորներին, մենք վերջերս գրություն էինք ուղարկել ՊՆ, որ մեկնենք, տեսնենք, թե մոբիլիզացիոն ռեսուրսն ինչպես է իրեն դրսևորում բանակում, բայց թույլտվություն չստացանք»։
Մանրամասները՝ տեսանյութում։
