08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
Բաքուն վախենո՞ւմ է միջազգային արձագանքից․ Ադրբեջանի ՊՆ արձագանքը ՌԴ ԱԴԾ ուժերի տեղակայման կետին հարվածների մասին
Քաղաքականություն
14.09.2022 | 22:49
Ադրբեջանի Պաշտպանության նախարարությունը հայտարարություն է տարածել՝ բնականաբար հերքելով, որ հրետանային հարվածներ են հասցվել ՀՀ Գեղարքունիքի մարզում գտնվող ՌԴ ԱԴԾ սահմանապահ ուժերի տեղակայման կետին, ինչպես նաև մարտական գործողությունների գոտում հումանիտար առաքելություն իրականացնող ՌԴ ԱԴԾ տրանսպորտային միջոցներին։
Ադրբեջանը, հերթական կեղծիքը տարածելով, նշում է, թե Երևանը նման քայլերով ցանկանում է «լայնամասշտաբ սադրանքների ուղղությամբ հրավիրել միջազգային հանրության ուշադրությունը և օգտագործել ՀԱՊԿ-ը»։
Փաստորեն, Ադրբեջանը խոստովանում է, որ անհանգստացած է ՀՀ-ի նկատմամբ իրականացրած ագրեսիայի հետևանքով միջազգային արձագանքից։
Ի դեպ, ՌԴ ԱԴԾ սահմանապահ ուժերի տեղակայման կետի ու տրասպրոտային միջոցների հրետակոծման ապացույցները վաղուց հրապարակված են համացանցում։
Էմմա Չոբանյան
