28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
Անհապաղ դադարեցնել ռազմական գործողությունները․ Ռիքերը՝ Բայրամովին
Քաղաքականություն
14.09.2022 | 17:48
ԵԱՀԿ Մինսկի խմբի ամերիկացի համանախագահ, Կովկասյան բանակցությունների հարցերով ավագ խորհրդական, դեսպան Ֆիլիպ Ռիքերը Բաքվում հանդիպել է Ադրբեջանի ԱԳ նախարար Ջեյհուն Բայրամովին։
Բաքվում ԱՄՆ դեսպանատան հաղորդմամբ՝ հանդիպմանը Ֆիլիպ Ռիքերը կոչ է արել անհապաղ դադարեցնել ռազմական գործողությունները, նաև կրկնել է պետքարտուղար Բլինքենի մեկնաբանությունները, որ ռազմական գործողությունների բռնկումը ձեռնտու չէ Ադրբեջանի ժողովրդին, դա չի բխում Հայաստանի ժողովրդի շահերից և, իհարկե, չի բխում ավելի մեծ տարածաշրջանի շահերից։
Ռիքերը նաև վերահաստատել է ԱՄՆ հանձնառությունը՝ դյուրացնելու ուղղակի երկխոսությունը և վերահաստատել Վաշինգտոնի աջակցությունը՝ օգնելու տարածաշրջանին գտնել երկարաժամկետ համապարփակ խաղաղություն:
Հիշեցնենք, որ նախօրեին դեսպան Ռիքերը հանդիպել էր Ադրբեջանի նախագահ Իլհամ Ալիևին։
Էմմա Չոբանյան
