12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Աշխատելու ենք, պահանջելու ենք և ինչ-որ տեղ՝ ստիպելու․ մեզ քաղաքացիների սատարումն է պետք․ Վարդանյան․ ՏԵՍԱՆՅՈՒԹ
Քաղաքականություն
14.09.2022 | 12:09
Ազգային ժողովը աշխատելու է և քննարկելու է այն հարցերը, որոնք օրակարգի մեջ են և անդրադառնալու է հրատապ հարցերին: Ազգային ժողովում այս մասին հայտարարեց «Քաղաքացիական պայմանագիր» խմբակցության պատգամավոր Վլադիմիր Վարդանյանը:
«Երեկ առավոտվանից «Ֆեյսբուք»-ում բազմոցի վրա նստած որոշ վերլուծաբաններ փորձում են գնահատականներ տալ Ազգային ժողովի աշխատանքին՝ բա ի՞նչ օրակարգ են քննարկում այստեղ, այս ի՞նչ հարցեր են: Նախ Ազգային ժողովի հերթական նիստերի օրակարգն ամիսներ առաջ է ձևավորվում և այդ օրակարգից չենք կարող շեղվել: Եթե անհրաժեշտություն է լինում, շատ լավ էլ շեղվում ենք և փորձում ենք իրականացնել այն ամենը, ինչ անհրաժեշտ է:
Բայց, հարգելի’ գործընկերներ, նույնիսկ ամենալարված իրավիճակում պետական համակարգը պետք է աշխատի և պետական համակարգի մեջ նախ Ազգային ժողովը պետք է աշխատի բնականոն եղանակով: Եվ որևիցե մեկը իրավունք չունի խոչընդոտել Ազգային ժողովի գործունեությանը: Ի վերջո, չմոռանանք, որ խնդիրների մի մասը սկսեց նրանից, երբ Ազգային ժողովի գործունեությունը դեռևս 1999 խաթարվեց»,- նշեց Վարդանյանը՝ հավելելով՝ մենք աշխատելու է և քննարկելու է այն հարցերը, որոնք օրակարգի մեջ են և անդրադառնալու է հրատապ հարցերին:
Պատգամավորը տեղեկացրեց, որ երեկ և այսօր անընդհաը աշխատել են միջազգային գործընկերների հետ։ «Շարունակելու ենք աշխատել միջազգային գործընկերների հետ ու պահանջելու ենք և ինչ-որ տեղ ստիպելու ենք»,- ասաց Վարդանյանը՝ նշելով, որ իրենց այս պահին քաղաքացիների սատարումն է պետք։
Մանրամասները՝ տեսանյութում։
