09.09.2026 | 20:35
ԶՈՒ ԳՇ պետը մի շարք հանդիպումներ է ունեցել Լեհաստանի ռազմարդյունաբերական ոլորտի ներկայացուցիչների հետ
Ճիշտ ենք անում, որ այս սթրեսային իրավիճակում քննարկում ենք, օրինակ, փոստային առաքման մասին նախագիծը․ Արթուր Հովհաննիսյան․ ՏԵՍԱՆՅՈՒԹ
Քաղաքականություն
14.09.2022 | 11:49
Սեպտեմբերի 12-ին մեկնարկած ԱԺ քառօրյայի աշխատանքները շարունակվում են։
«Քաղաքացիական պայմանագիր» խմբակցության պատգամավոր Արթուր Հովհաննիսյանը ԱԺ ամբիոնից անդրադարձավ այն խոսակցություններին, թե ինչու են այս սթրեսային իրավիճակում քննարկում, օրինակ, փոստային առաքման կամ բժշկական ծառայությունների մասին օրենքների նախագծերը։
«Ճիշտ ենք անում։ Կարծում եմ, որ այս սթրեսային իրավիճակներում էլ ավելի շատ պետք է աշխատենք, քան սովորական օրերին, բոլորս մեր տեղերում պետք է լինենք և էլ ավելի մեծ պատասխանատվություն ու առաջնորդություն ստանձնենք»,- նշեց Հովհաննիսյանը և կոչ արեց աշխատել անդադար և համախմբվել մեր պետականության ու անկախության շուրջ։
«Համաձայն եմ Ձեզ հետ, պարո՛ն Հովհաննիսյան»,- արձագանքեց ԱԺ նախագահ Ալեն Սիմոնյանը։
