02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Կիպրոսի ԱԳՆ-ն դատապարտում է Ադրբեջանի կողմից սանձազերծված հարձակումը Հայաստանի վրա
Քաղաքականություն
13.09.2022 | 19:59
Կիպրոսի արտաքին գործերի նախարարությունը խորը մտահոգություն է հայտնել Հայաստանի և Ադրբեջանի միջև լարվածության կտրուկ սրացման կապակցությամբ՝ դատապարտելով Ադրբեջանի կողմից սեպտեմբերի 13-ի վաղ ժամերին սանձազերծված հարձակումը: Այս մասին հայտնում է «Արմենպրես»-ը՝ վկայակոչելով Կիպրոսի Հանրապետության ԱԳՆ-ի հայտարարությունը:
«Կիպրոսի արտաքին գործերի նախարարությունը խորը մտահոգություն է հայտնում Հայաստանի և Ադրբեջանի միջև լարվածության կտրուկ սրացման կապակցությամբ, որը Հայաստանի տարածքում գտնվող դիրքերի վրա Ադրբեջանի սանձազերծված հարձակման հետևանքն է: Արտաքին գործերի նախարարությունը դատապարտում է հարձակումը և կոչ է անում հարգել 2020 թ. նոյեմբերի 9-ի զինադադարի համաձայնագիրը՝ լարվածությունը արագորեն թուլացնելու համար: Կիպրոսի Հանրապետությունը աջակցում է վեճերի խաղաղ կարգավորմանը՝ միջազգային իրավունքի հիման վրա», – նշված է Կիպրոսի ԱԳՆ-ի հայտարարության մեջ:
