09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Եգիպտոսն ու Կատարը ՇՀԿ երկխոսության գործընկերների կարգավիճակ են ստացել
Քաղաքականություն
14.09.2022 | 23:13
Եգիպտոսն ու Կատարը ստացել են Շանհայի համագործակցության կազմակերպության (ՇՀԿ) երկխոսության գործընկերոջ կարգավիճակ։ Այս մասին հայտնել է Ուզբեկստանի ԱԳՆ մամուլի ծառայությունը, փոխանցում է ՌԻԱ Նովոստին։
«Սեպտեմբերի 14-ին Տաշքենդում, Շանհայի համագործակցության կազմակերպության գագաթնաժողովի նախապատրաստման շրջանակում, տեղի ունեցավ հուշագրերի ստորագրման արարողություն՝ Եգիպտոսի Արաբական Հանրապետությանը և Կատարի պետությանը ՇՀԿ-ի երկխոսության գործընկերոջ կարգավիճակ շնորհելու վերաբերյալ։
Փաստաթղթերը ստորագրել են ՇՀԿ գլխավոր քարտուղար Չժան Մինգը, Եգիպտոսի արտաքին գործերի նախարարի առաջին տեղակալ Համդի Սանադ Լոզան և Կատարի արտաքին գործերի պետնախարար Սուլթան բեն Սաադ ալ-Մուրեյխին»,- ասվում է հաղորդագրությունում։
Տաթև Ֆռանգյան
