Քաղաքականություն
13.09.2022 | 17:38«Պսևդոխաղաղության օրակարգը, որ Նիկոլ Փաշինյանը առաջ է մղում դեռևս 2019-ից, բերեց պատերազմի»,- լրագրողների հետ զրույցում այս կարծիքը հայտնեց «Հայաստան» խմբակցության պատգամավոր Արթուր Խաչատրյանը՝ հավելելով, որ պետք է պատրաստ լինել հակահարված տալու, որպեսզի թշնամին չհանդգնի ոտնձգություն կատարել։
«Փաշինյանի օրակարգը միակողմանի զիջումների ու պարտության օարակարգ է․․․ »,- նշեց ընդդիմադիր պատգամավորը՝ հավելելով, որ մեր դիվանագիտությունը ևս ձախողվել է։
Հարցին, թե ինչ քայլեր են անհրաժեշտ ստեղծված իրավիճակից դուրս գալու համար, Խաչատրյանը պատասխանեց․ «Որպեսզի երկիրն ստեղծված իրավիճակից հանենք, պետք է քաղաքականությունը փոխվի։ Այս իշխանությունը շարունակում է նույն կուրսը, ինչ 4 տարի շարունակ արել են, այսօր էլ Փաշինյանը խոսեց խաղաղության օրակարգի մասին։ Առաջին անհարժեշտ քայլն այն է, որ այս իշխանությունը պետք հեռանա․․․ Աշխարհում որևէ կառավարություն չի կարող տարածքների մի մասը կորցնել և մնալ իշխանության»։
Մանրամասները՝ տեսանյութում։
