09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
ՀՀ-ն Բաքվի դեմ հայց կներկայացնի ՄԻԵԴ․ ԱԺ-ն հայտարարություն ընդունեց ագրեսիայի վերաբերյալ․ Լուրեր
Քաղաքականություն
13.09.2022 | 17:13
- Հայաստանն օրվա ընթացքում Մարդու իրավունքների եվրոպական դատարան փաստաթուղթ է ուղարկելու Ադրբեջանի նկատմամբ միջանկյալ միջոց կիրառելու մասին: Այս մասին հայտնել է ՄԻԵԴ-ում Հայաստանի ներկայացուցիչ Եղիշե Կիրակոսյանի խոսնակ Հասմիկ Սամվելյանը: Փաստաթղթում ներառված է լինելու Հայաստանի բնակավայրերի վրա Ադրբեջանի հարձակման հետ կապված ամեն ինչ: Փաստաթուղթը ուղարկելուց հետո մեր պաշտոնական կայքում կլինի հաղորդագրություն։
- Ազգային ժողովն այսօր ՔՊ պատգամավորների միաձայն քվեարկությամբ ընդունել է հայտարարություն, որով աջակցություն է հայտնում զինված ուժերին, միջազգային հանրությանը կոչ է անում հասցեական դատապարտումներ անել։ Հայտարարության մեջ նշվում են նաև ՄԱԿ ԱԽ-ից, Ռուսաստանից և ՀԱՊԿ-ից ակնկալիքները։
- Ընդդիմադիր խմբակցությունները չեն մասնակցել հայտարարության քվեարկությանը։ Հայաստան խմբակցության քարտուղար Արծվիկ Մինասյանը հայտարարել է, որ ՔՊ ներկայացրած հայտարարությանը դեմ չեն, բայց այն ամբողջական չէ։ Խմբակցությունը 4 կետ է առաջարկել ներառել այդ հայտարարության մեջ, որոնք չեն ընդունվել իշխանական խմբակցության կողմից։
ՀՀ ԱԳՆ խոսնակ Վահան Հունանյանը հայտարարել է, որ Հայաստանի նախաձեռնությամբ այսօր Երևանի ժամանակով 19։00 տեղի կունենա ԵԱՀԿ Մշտական խորհրդի հատուկ նիստ։
Այս ժամի լուրերը՝ տեսանյութում։
