13.04.2026 | 23:32
Հոսանքազրկումներ՝ Երևանում և մարզերում
Հնարավոր չեղավ համաձայնության գալ ընդդիմության հետ, հայցում ենք քաղաքացիների ներողամտությունը․ ՏԵՍԱՆՅՈՒԹ
Քաղաքականություն
13.09.2022 | 15:06
«Հայաստանի Հանրապետության Ազգային ժողովի հայտարարությունն ադրբեջանական հարձակման վերաբերյալ» ԱԺ հայտարարության նախագծի համահեղինակ Վլադիմիր Վարդանյանն անդրադարձավ ընդդիմադիր գործընկերների հետ հայտարարության վերաբերյալ անհամաձայնությանը։
«Առավոտ 9․40-ից սկսած՝ աշխատանք ենք տարել մեր ընդդիմադիր գործընկերների հետ: «Պատիվ ունեմ» և «Հայաստան» խմբակցությունները ներկայացրել էին առանձին առաջարկների փաթեթներ: «Հայաստան» խմբակցության կողմից ներկայացված առաջարկների փաթեթը ուղղակիորեն կամ անուղղակիորեն վերաբերելի չէր երեկ սանձազերծված ագրեսիվ գործողություններին:
«Պատիվ ունեմ» խմբակցության կողմից ներկայացված առաջարկների մի մասը որոշ մասով վերաբերելի էր ստեղծված իրավիճակին, և մենք պատրաստ էինք մասնակիորեն հաշվի առնել այդ առաջարկները նշված հայտարարության մեջ: Ընդ որում՝ ուզում եմ հստակ նշել, որ մեզ համար չափազանց կարևոր էր այսօր դահլիճում ունենալ միասնականություն խորհրդարանական բոլոր խմբակցությունների միջև: Ցավոք, դա չհաջողվեց:
Պարոն Մամիջանյանի հետ երկարատև քննարկումների ընթացքում հնարավոր չեղավ համաձայնեցնել այնպիսի փաթեթ, որը կընդգրկեր իրենց կողմից ներկայացված առաջարկների մի մասը: Մի մասն անընդունելի էր»,- նշեց Վարդանյանը:
Պատգամավորը ևս մեկ անգամ ընդգծեց, որ հնարավոր չեղավ համաձայնության գալ ընդդիմության հետ՝ հավելելով․ «Հայցում ենք մեր քաղաքացիների ներողամտությունը»։
Մանրամասները՝ տեսանյութում։
