06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ՀՀ տարածքով չենք պատրաստվում միջանցք տրամադրել․ Նիկոլ Փաշինյան․ ՏԵՍԱՆՅՈՒԹ
Քաղաքականություն
13.09.2022 | 12:07
ՀՀ տարածքով չենք պատրաստվում որևէ մեկին միջանցք տրամադրել։ ԱԺ նիստում հայտարարարեց ՀՀ վարչապետ Նիկոլ Փաշինյանը։
«Ադրբեջանը, այլակերպելով 2020 թվականի նոյեմբերի 9-ի հայտարարությունը, խոսում է ՀՀ տարածքով միջանցք ունենալու մասին։
Մեր դիրքորոշումը հետևյալն է՝ ՀՀ տարածքով մենք չենք պատրաստվում որևէ մեկին միջանցք տրամադրել։ Մենք ընդունում ենք, նույնիսկ շահագրգռված ենք ՀՀ տարածքով ճանապարհների բացմանը և ապաշրջափակմանը»,- նշեց Փաշինյանը։
Նա նշեց, որ նոյեմբերի 9-ի եռակողմ հայտարարության մեջ 9-րդ կետը ապաշրջափակման մասին է: «Թեման պարզաբանված է 2021 թվականի նոյեմբերի 11-ի եռակողմ հայտարարությամբ և արձանագրված է, թե ինչ գործողություններ պետք է իրականացնել նոյեմբերի 9-ի եռակողմ հայտարարության 9-րդ կետը կյանքի կոչելու համար»,- ասաց Փաշինյանը:
Վարչապետը հիշեցրեց նաև, որ 2021թ․ հունվարի 11-ին պայմանավորվածություն է ձեռք բերվել, և եռակողմ աշխատանքային խմբի ռուսաստանցի համանախագահողը` Ալեքսեյ Օվերչուկը, Հայաստանում հրապարակային հայտարարությամբ է հանդես եկել` ասելով, որ աշխատանքային խմբի պայմանավորվածություններ են` նոր բացվող ճանապարհները պետք է գործեն այն երկրների սուվերենության ներքո, որոնց տարածքով անցնում են։
Մանրամասները՝ տեսանյութում։
