09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Ուկրաինան զգալի առաջընթաց է գրանցել հակահարձակման գործում․ Բլինքեն
Քաղաքականություն
13.09.2022 | 20:40
ԱՄՆ պետքարտուղար Էնթոնի Բլինքենը հայտարարել է, որ Ուկրաինայի հակահարձակումը դեռ նոր է սկսվել, սակայն ուկրաինական ուժերն արդեն զգալի առաջընթաց են գրանցել, փոխանցում է BBC-ի ռուսական ծառայությունը։
«Այն, ինչ նրանք արել են, մեթոդաբար ծրագրված է և, իհարկե, զգալի աջակցություն է ստացել ԱՄՆ-ից ու շատ այլ երկրներից՝ Ուկրաինային այս հակահարձակումը շարունակելու համար անհրաժեշտ սարքավորումներ տրամադրելու առումով»,- ասել է Բլինքենը Մեքսիկայում կայացած մամուլի ասուլիսի ժամանակ։
Այնուամենայնիվ, ըստ նրա, դեռ վաղ է կանխատեսումներ անել, թե ինչպես կավարտվի հարձակումը։
«Ռուսները շատ զգալի ուժեր են պահպանում Ուկրաինայում, ինչպես նաև տեխնիկա, զենք և զինամթերք: Նրանք շարունակում են դրանք անխտիր օգտագործել ոչ միայն ուկրաինական Զինված ուժերի, այլև քաղաքացիական բնակչության և քաղաքացիական ենթակառուցվածքների դեմ, ինչպես մենք տեսանք»,- ավելացրել է Բլինքենը։
Տաթև Ֆռանգյան
