13.01.2025 | 13:31
Պենտագոնի ղեկավարը խորհուրդ է տվել ԱՄՆ պաշտպանական ծախսերն ավելացնել ավելի քան 50 միլիարդ դոլարով
Խարկովի իշխանությունները հայտնում են քաղաքի լայնածավալ հրետակոծության մասին
Քաղաքականություն
12.09.2022 | 16:16
Խարկովի համայնքապետ Իգոր Տերեխովը հայտնել է, որ քաղաքը զանգվածային հրետակոծության և հրթիռակոծության է ենթարկվում, գրում է BBC-ի ռուսական ծառայությունը։
«Խարկովը զանգվածային հրետակոծության է ենթարկվում՝ հարված է հասցվել քաղաքի կենտրոնին, հրթիռակոծվել են Օսնովյանսկի և Կիևի շրջաններ», – գրել է Տերեխովը Telegram-ի իր ալիքում։
Ավերածությունների և զոհերի մասին տեղեկությունը ճշտվում է։
Ուկրաինական լրատվամիջոցների հաղորդմամբ՝ հրթիռակոծությունից անմիջապես հետո Խարկովի մետրոպոլիտենից հայտնել են, որ տեխնիկական պատճառներով մետրոյի աշխատանքը դադարեցվել է․ արդյո՞ք դա եղել է հրետակոծության հետևանքով՝ դեռևս հայտնի չէ։ Խափանման պահին մետրոյի գնացքներում գտնվողներն արգելափակվել են այնտեղ, նրանք ստիպված են եղել թունելներով ոտքով հասնել մոտակա կայարան։
Տաթև Ֆռանգյան
