11.12.2024 | 23:17
Դեսպան Հարությունյանը վերահաստատել է Կանադայի հետ հարաբերություններն առավել խորացնելու Հայաստանի հանձնառությունը
Գերմանիայի բնակչության մեծ մասը պատրաստ է անձնական զոհաբերությունների՝ հանուն ՌԴ-ի դեմ պատժամիջոցների
Քաղաքականություն
12.09.2022 | 22:43
Գերմանիայի բնակչության մեծ մասը, Ուկրաինայի պատերազմի մեկնարկից ավելի քան վեց ամիս անց, նախկինի պես պատրաստ է զոհաբերությունների՝ ՌԴ-ի դեմ պատժամիջոցների պահպանման համար, գրում է DW-ի ռուսական ծառայությունը։
Augsburger Allgemeine պարբերականի պատվերով Civey սոցիոլոգիական ինստիտուտի կողմից անցկացված հարցումների համաձայն՝ գերմանացիների 53 տոկոսը համաձայն է հրաժարվել ցանկացած բանից՝ Մոսկվայի դեմ պատժամիջոցները պահպանելու համար՝ չնայած էներգակիրների գների կտրուկ աճին։ Միաժամանակ, հարցվածների 42 տոկոսը հայտարարել է, որ պատրաստ չէ անձնական զոհաբերության, ևս 5 տոկոսը չի կողմնորոշվել պատասխանի հարցում։
Հարցումները ցույց են տալիս, որ ՌԴ-ի դեմ պատժամիջոցների պահպանման համար անձնական զոհաբերությունների պատրաստ են «Սոյուզ-90» և Գերմանիայի Սոցիալ-դեմոկրատական կուսակցությունների աջակիցները։
Քրիստոնեական կուսակցությունների աջակիցների շրջանում այս հարցում տարակարծություններ են նկատվում։ Միաժամանակ, ազատ դեմոկրատների, ձախ և աջ պոպուլիստական «Այլընտրանք Գերմանիայի համար» կուսակցությունների ընտրազանգվածը հիմնականում դեմ է անձնական զոհաբերություններին՝ հանուն պատժամիջոցների։
Էմմա Չոբանյան
