17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Անհետ կորած տղամարդու մարմինը հայտնաբերվել է լճից
Հասարակություն
10.09.2022 | 11:57
Սեպտեմբերի 6-ին Տավուշի մարզի Բերքաբեր բնակավայրի լճի մեջ հայտնաբերվել էր ինքնությունը չպարզված, մարմնական վնասվածքներով տղամարդու դիակ. տեղեկացնում են ՀՀ ոստիկանությունից։
Իջևանի ոստիկանների ձեռնարկած միջոցառումների արդյունքում պարզվել էր, որ սեպտեմբերի 3-ից ոստիկանության Իջևանի բաժնի կողմից որպես անհետ կորած որոնվող 61-ամյա Վրեժ Պ.-ի դիակն է:
ՀՀ քրեական օրենսգրքի 155-րդ հոդվածի (Սպանությունը) հատկանիշներով նախաձեռնվել էր քրեական վարույթ:
Ոստիկանության ՔՈԳՎ, Տավուշի մարզային վարչության, Իջևանի բաժնի և Տավուշի մարզային վարչության քննչական բաժնի ծառայողները, իրացնելով օպերատիվ տվյալները, սեպտեմբերի 8-ին ձերբակալել և ոստիկանության Իջևանի բաժին են տեղափոխել Այգեհովիտ բնակավայրի 57-ամյա բնակչի: Նա խոստովանել է, որ սեպտեմբերի 3-ին, ժամը 17.30-ի սահմաններում, Այգեհովիտ բնակավայրի այգիներից մեկում որսորդական հրացանով պատահաբար կրակել է Վրեժ Պ.-ի կրծքավանդակին, ինչի հետևանքով նա մահացել է: Այնուհետև թաքցնելու նպատակով դիակը իր «ԳԱԶ-24» մեքենայով տեղափոխել էր Բերքաբեր բնակավայր և ոտքերից կապելով բետոնե սյուներ՝ գցել էր լիճը:
57-ամյա տղամարդը ձերբակալվել է։
Կատարվում է նախաքննություն:
