13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Բայրամովը հանդիպել է Իգոր Խովաևին
Քաղաքականություն
09.09.2022 | 20:25
Ադրբեջանի ԱԳ նախարար Ջեյհուն Բայրամովն այսօր ընդունել է ՌԴ ԱԳ նախարար Սերգեյ Լավրովի՝ Հայաստանի և Ադրբեջանի հարաբերությունների կարգավորման հարցերով հատուկ ներկայացուցիչ Իգոր Խովաևին, գրում են տեղական լրատվամիջոցները։
Ադրբեջանի ԱԳՆ-ն նշում է, որ կողմերը կարծիքներ են փոխանակել Բաքվի և Մոսկվայի միջև երկկողմ օրակարգի, տարածաշրջանում առկա իրավիճակի, այդ թվում՝ Հայաստանի և Ադրբեջանի միջև հարաբերությունների կարգավորման գործընթացի տարբեր ասպեկտների, ինչպես նաև ապագա հեռանկարների շուրջ։ Ընդգծվել է Ադրբեջանի, Հայաստանի և Ռուսաստանի ղեկավարների ստորագրած եռակողմ հայտարարությունների, ինչպես նաև կարգավորման գործընթացի շրջանակում ձեռք բերված պայմանավորվածությունների դրույթների կատարման կարևորությունը։
Նշվում է, որ կողմերը քննարկել են նաև երկկողմ հետաքրքրություն ներկայացնող տարածաշրջանային այլ հարցեր։
Հավելենք, որ Ադրբեջանի ԱԳՆ-ն ավելի վաղ հրաժարվել էր լրատվամիջոցներին տեղեկություններ տալ Խովաևի այցի և հանդիպումների մասին։
Իգոր Խովաևը նաև այցով Հայաստան է ժամանելու։
Էմմա Չոբանյան
