30.04.2026 | 14:26
Իրանի նախագահը հայտարարել է, որ ԱՄՆ-ի ծովային շրջափակումը «դատապարտված է ձախողման»
Իրանն ու Ադրբեջանը քննարկել են Իրանի տարածքով դեպի Նախիջևան տանող ճանապարհի կառուցման հարցը
Քաղաքականություն
09.09.2022 | 19:24
Ադրբեջանի թվային զարգացման և տրանսպորտի նախարար Ռաշադ Նաբիևը հանդիպել է Բաքվում գտնվող Իրանի ճանապարհների և քաղաքաշինության նախարար Ռոստամ Ղասեմիի հետ։ Այս մասին հայտնում է ադրբեջանական Trend-ը՝ վկայակոչելով Նաբիևի ֆեյսբուքյան գրառումը։
Ադրբեջանցի պաշտոնյան նշել է, որ կողմերը մտքեր են փոխանակել Ադրբեջանով և Իրանով անցնող միջազգային տրանսպորտային և տարանցիկ միջանցքների, այդ թվում՝ Հյուսիս-Հարավ միջազգային տրանսպորտային միջանցքի (INSTC) զարգացման շուրջ։
«Մենք անդրադարձել ենք միջպետական սահմանամերձ հատվածներում ճանապարհային տրանսպորտի նոր ենթակառուցվածքի ստեղծման, ինչպես նաև այդ ուղղությամբ ձեռնարկվելիք ջանքերի շուրջ։ Ավելին, մենք խոսել ենք Իրանի տարածքով ավտոմայրուղու կառուցման մասին, որը կապում է Արևելյան Զանգեզուրի տնտեսական շրջանը և Ադրբեջանի Նախիջևանի Ինքնավար Հանրապետությունը, ինչպես նաև երկու երկրների միջև Աստարաչայ գետի վրայով ճանապարհային կամրջի կառուցման մասին»,- գրել է Նաբիևը։
Տաթև Ֆռանգյան
