09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանն ակնարկել է, որ եթե ԱՄՆ-ն չվաճառի F-16-ներ, Թուրքիան այլ երկրից կգնի ռազմական ինքնաթիռներ
Քաղաքականություն
09.09.2022 | 22:34
Թուրքիայի նախագահ Ռեջեփ Թայիփ Էրդողանը հուսով է, որ իր երկրի ռազմաօդային ուժերի համար F-16-ների մատակարարման և արդիականացման՝ Անկարայի խնդրանքի վերաբերյալ ԱՄՆ դիրքորոշումը չի ստիպի թուրքական կողմին դիտարկել «այլ տարբերակներ»: Ստամբուլում ուրբաթօրյա աղոթքից հետո լրագրողների հետ զրույցում Էրդողանը նշել է, որ ռազմական ինքնաթիռներ արտադրվում են ոչ միայն ԱՄՆ-ում, գրում է Անադոլուն։
«Ռազմական ինքնաթիռներ, ի թիվս այլոց, արտադրվում և վաճառվում են Մեծ Բրիտանիայում, Ֆրանսիայում և Ռուսաստանում: Գնումներ հնարավոր են ցանկացած վայրից։ Մենք արդեն ազդանշաններ ենք ստանում»,- ասել է Էրդողանը
Նա հիշեցրել է, որ ՆԱՏՕ-ի Մադրիդյան գագաթնաժողովում Սպիտակ տան ղեկավար Ջո Բայդենի հետ քննարկել է F-16-ների գործարքի հարցը։
«Բայդենը խոստացել է, որ իրենից կախված ամեն ինչ կանի այդ հարցի վերաբերյալ։ ԱՄՆ նախագահը դրական է մոտենում այս հարցին։ Միաժամանակ, նա հասկացրել է, որ հանրապետականները չեն կիսում իր դիրքորոշումը։ Այնուհետև այդ հարցը Բուլղարիայում քննարկել է Թուրքիայի ԱԳՆ ղեկավարը՝ ԱՄՆ-ից ժամանած հանրապետականների հետ հանդիպմանը։ Հանրապետականների դիրքորոշումը նույնպես դրական է ստացվել»,- ասել է Էրդողանը։
Բացի այդ, Թուրքիայի նախագահն ափսոսանք է հայտնել, որ ԱՄՆ-ն շարունակում է, ըստ նրա, «սխալ քայլեր կատարել՝ աջակցելով «Սիրիայի դեմոկրատական ուժերին», որոնց ողնաշարը կազմում են YPG-ի ահաբեկիչները»։
Էմմա Չոբանյան
