16.09.2026 | 21:30
Քոչարյանի գրպանը 200 մլն դոլար չեն գցել․ անհնար է համոզել ՀՀ-ի ժողովրդին, որ գործը սարքած է․ Թագուհի Ղազարյան․ ՏԵՍԱՆՅՈՒԹ
Նիկոլ Փաշինյանը հրավիրվել է մասնակցելու ՇՀԿ-ի առաջիկա գագաթնաժողովին
Քաղաքականություն
09.09.2022 | 13:32
15 պետությունների ղեկավարներ մասնակցելու են Շանհայի համագործակցության կազմակերպության (ՇՀԿ) գագաթնաժողովին, որը տեղի է ունենալու սեպտեմբերի 15-16-ը Ուզբեկստանի Սամարղանդ քաղաքում։ Այս մասին թելագրամյան ալիքում հայտնել է Ուզբեկստանի նախագահի մամուլի խոսնակ Շերզոդ Ասադովը։
Գագաթնաժողովին մասնակցելու հրավեր է ստացել նաև ՀՀ վարչապետ Նիկոլ Փաշինյանը։
Նշվում է, որ գագաթնաժողովին մասնակցելու են Ուզբեկստանի նախագահ Շավկաթ Միրզոևը, ՌԴ նախագահ Վլադիմիր Պուտինը, Չինաստանի ղեկավար Սի Ցզինպինը, Հնդկաստանի վարչապետ Նարենդրա Մոդին, Ղազախստանի նախագահ Կասիմ-Ժոմարտ Տոկաևը, Պակիստանի վարչապետ Շահբազ Շարիֆը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոն։
Որպես ՇՀԿ դիտորդ երկրների ղեկավարներ՝ գագաթնաժողովին կմասնակցեն նաև Բելառուսի նախագահ Ալեքսանդր Լուկաշենկոն, Իրանի նախագահ Իբրահիմ Ռաիսին, Մոնղոլիայի նախագահ Ուխնաագին Խուրելսուխը։
Նիկոլ Փաշինյանից զատ՝ որպես հյուր հրավիրվել են Թուրքիայի նախագահ Ռեջեփ Թայիփ Էրդողանը, Թուրքեմստանի նախագահ Սերդար Բերդիմուհամեդովը և Ադրբեջանի նախագահ Իլհամ Ալիևը։
Էմմա Չոբանյան
