09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանը հայտնել է Թուրքիայում ԻԼԻՊ-ի առաջնորդներից մեկի ձերբակալման մասին
Քաղաքականություն
09.09.2022 | 21:05
Թուրքիայի նախագահ Ռեջեփ Թայիփ Էրդողանը հայտարարել է իր երկրում ԻԼԻՊ-ի առաջնորդներից Բաշար Խաթաբ Ղազալ ալ-Սումայդանի ձերբակալման մասին, որը հայտնի է «Աբու Զեյդ» կեղծանունով, գրում է «Անադոլու» գործակալությունը։
Բալկանյան շրջագայությունից վերադառնալուց հետո լրագրողների հետ զրույցում Էրդողանն ասել է, որ ահաբեկչական կազմակերպության ղեկավարը ձերբակալվել է ոստիկանության գլխավոր վարչության, Ստամբուլի ոստիկանության բաժանմունքի և Ազգային հետախուզական կազմակերպության (MİT) հաջող գործողության արդյունքում։
Նա նշել է, որ Սումայդանը կազմակերպության կարևոր ղեկավարներից էր՝ Աբուբաքր ալ-Բաղդադիի և Աբդուլլահ Քարդաշի ոչնչացումից հետո։ Ըստ Էրդողանի՝ հարցաքննության ժամանակ Սումայդանը հայտարարել է, որ ղեկավարել է ԻԼԻՊ-ի, այսպես կոչված, Արդարադատության և Կրթության նախարարությունները։
«Երկար ժամանակ այդ ահաբեկչի կապերն են հաստատվել Սիրիայում և Ստամբուլում, և տեղեկություններ են ստացվել Թուրքիա ներթափանցելու նրա մտադրությունների մասին»,- ասել է Էրդողանը՝ հավելելով, որ նա դատարանին է հանձնվել հարցաքննությունից հետո։
Էմմա Չոբանյան
