07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Գերիների հանձնումը տեղի է ունեցել առանց միջնորդների․ ԵՄ-ն ողջունել է 5 ռազմագերիների վերադարձը
Քաղաքականություն
09.09.2022 | 10:32
Եվրամիությունը (ԵՄ) ողջունում է ադրբեջանական կողմից հինգ հայ ռազմագերիների հանձնումը Հայաստանին։ Հարավային Կովկասում ԵՄ հատուկ ներկայացուցիչ Տոյվո Կլաարը Twitter-ի իր էջում գրել է.
«Ողջունում ենք օգոստոսի 31-ին Բրյուսելում երկրների ղեկավարների հանդիպումից հետո Ադրբեջանի կողմից ձերբակալված հինգ հայ զինծառայողների ազատ արձակման մասին լուրը։
Սա կարեւոր մարդասիրական ժեստ է, և հատկանշական է նաև այն, որ փոխանցումը տեղի է ունեցել առանց միջնորդների»։
Հիշեցնենք, որ ՀՀ Ազգային անվտանգության ծառայությունը երեկ երեկոյան հայտնել էր, որ ադրբեջանական կողմը Հայաստան է վերադարձրել հինգ ռազմագերի, իսկ ադրբեջանական լրատվամիջոցներն ավելի վաղ գրել էին, որ հանձնումը տեղի է ունենալու Հայաստանի հետ սահմանային կետերից մեկում:
Տաթև Ֆռանգյան
