18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ուկրաինան հայտնել է Խարկովի մարզում 20 բնակավայրի ազատագրման մասին
Քաղաքականություն
08.09.2022 | 17:23
Ուկրաինայի զինված ուժերը Խարկովի մարզում ավելի քան 20 բնակավայր են ազատագրել, հայտնել է Գլխավոր շտաբի գլխավոր օպերատիվ շտաբի պետի տեղակալ Ալեքսի Գրոմովը, գրում է Korrespondent-ը։
«Խարկովի ուղղությամբ կորցրած տարածքները վերականգնելու նպատակով շաբաթվա սկզբից պաշտպանական գործողության շրջանակում Ուկրաինայի Զինված ուժերը Ազգային գվարդիայի ստորաբաժանումների և այլ ուժային մարմինների հետ համատեղ ակտիվ գործողություններ են իրականացնում որոշակի ուղղություններով։ Այս պահի դրությամ զինվորականները մխրճվել են հակառակորդի պաշտպանության մեջ մինչև 50 կմ։ Որոշ բնակավայրերում ֆիլտրացիոն գործողությունները շարունակվում են։ Խարկովի ուղղությամբ ակտիվ ռազմական գործողությունների ընթացքում ազատագրվել է ավելի քան 20 բնակավայր»,- ասել է նա։
Հավելենք, որ ԱՄՆ-ի Պատերազմի ուսումնասիրման ինստիտուտի գնահատմամբ՝ Խարկովի մարզում UAF-ն առնվազն 20 կիլոմետր խորությամբ մտել է Ռուսաստանի վերահսկողության տակ գտնվող տարածքներ՝ հետ գրավելով մոտավորապես 400 քառակուսի կիլոմետր տարածք:
Տաթև Ֆռանգյան
