09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
ԱՄՆ-ն Հայաստանում գտնվող իր քաղաքացիներին կոչ է արել զգուշանալ ռուսական ավիաուղիներից օգտվելուց
Քաղաքականություն
08.09.2022 | 15:32
Ամերիկայի Միացյալ Նահանգները Հայաստանում գտնվող իր քաղաքացիներին կոչ է արել զգուշանալ ռուսական ավիաուղիներից օգտվելուց։ Այս մասին ասված է ՀՀ-ում ԱՄՆ դեսպանատան տարածած հայտարարության մեջ։
Ռուսական ավիափոխադրողները շարունակում են գործել Հայաստանում. ԱՄՆ դեսպանատունը տեղեկացնում է ԱՄՆ քաղաքացիներին, որ Դաշնային ավիացիոն վարչությունը (FAA) իջեցրել է Ռուսաստանի օդային անվտանգության վարկանիշը՝ հաշվի առնելով, որ Ռուսաստանի քաղաքացիական ավիացիայի մարմինը չի համապատասխանում Միջազգային քաղաքացիական ավիացիայի կազմակերպության (ICAO) անվտանգության չափանիշներին ռուսական ավիափոխադրողների գործունեության վերահսկման համար»,- ասվում է հայտարարության մեջ։
Նշվում է, որ այս զգուշացումը չի վերաբերում հայկական ավիափոխադրողներին։ «FAA օդային անվտանգության այս վարկանիշը չի տարածվում հայկական ավիափոխադրողների կամ ՀՀ-ին պատկանող կամ ՀՀ կողմից շահագործվող ինքնաթիռների վրա»,- ասվում է հայտարարության մեջ:
Տաթև Ֆռանգյան
